په ملګرو ملتونو کې د چين دايمي استازي فو څونګ د اپرېل په ۲۳ مه د امنيت شورا د اريا فورمولا غونډې مشري وکړه او په وينا کې يې له يواړخیزم او تسلط غوښتنې سره مخالفت څرګند کړ.
ياده غونډه پر نړيوالو اړيکو د يواړخيزم او تسلط غوښتنې پر اغېزو څرخېده او د امنيت شورا د غړو په ګډون د څه باندې ۸۰ هېوادونو استازو پکې ګډون کړی و.
په ملګرو ملتونو کې د چين دايمي استازي فو څونګ په خپله وينا کې وويل، چې امريکا په دې وروستيو کې د تعرفو له لارې نړيوال اقتصادي سیسټم ته زیانونه رسولي، خپلې ګټې يې د نړيوالې ټولنې تر ګټو لوړې کړې او د بېلابېلو هېوادونو پر حقه حقونو په تېري سره يې خپل تسلط ساتلی.
نوموړي له نړيوالې ټولنې څخه غوښتي، چې سم انتخاب وکړي او په یووالي سره د يواړخيز تسلط د مخنيوي لپاره ګډ اقدامات غوره کړي.
نوموړي زیاته کړه، چې چين د امریکا د تسلط غوښتنې په موخه د تعرفو وضع کېدو ته تر نورو مخکې ځوابي اقدامات غوره کړي او نه يوازې خپل حقه حقونه يې ساتلي، بلکې د بېلابېلو منځنيو کچو او کوچنيو هېوادونو په ګډون د ټولنې نړيوالې ټولنې حقه حقونه يې ساتلي دي.
هغه وويل، چې د چين خورا لوی بازار تل د نړۍ پر مخ خلاص دی او هيله يې وښوده چې بېلابېل هېوادونه د چين د پرمختګ له فرصتونو ګټې واخلي.
