عثماني: افغانستان ته؛په کلني ډول د نیم میلیارد ډالرو په ارزښت درمل واردېږي

روغتیا سرپرست وزیر جواد عثماني وایي، له بهره افغانستان ته په کلني ډول له ۴۰۰ تر ۵۰۰ میلیون ډالرو په ارزښت درمل واردېږي. نوموړي نن په کابل کې د فارمسست نړیوالې ورځې په مناسبت جوړې شوې غونډې ته خبرو کې ویلي، له بهره افغانستان ته د درملو واردېدو هېواد ته ستره اقتصادي ضربه وراده کړې ده. هغه زیاته کړې، هڅه کوي چې په کور دننه د درملو تولید ته زمینه برابره کړي. عثماني د خپلو خبرو پر دوام ویلي، د درملو کمښت او په بیه کې یې د توازن نشتوالی عمده ستونزې دي. هغه د درملو پر نمایندګیو او دغه راز پر درملتونونو غږ وکړ چې دې برخې ته باید جدي پاملرنه وکړي.