ایران د خپلو اټومي تاسیساتو پر ساتنې ټینګار وکړ

د ایران د بهرنیو چارو وزیر سید عباس عراقچي د ملګرو ملتونو سرمنشي، د امنیت شورا رییس، او د نړۍوالې اټومي انرژۍ ادارې عمومي رییس ته په یوه استول شوي لیک کې د ایران د اټومي تاسیساتو د ساتنې لپاره د ځانګړو تدابېرو د نیولو پر اړتیا ټینګار کړی دی. د خبرپاڼې له‌مخې، په دغه لیک همدا راز ټینګار شوی: «ایران به د نړۍوالو قوانینو له مخې د هر ډول ترهګریز او زیان رسوونکي ګام پر وړاندې د خپلو وګړو، ګټو او تاسیساتو د دفاع لپاره ټول اړین اقدامات ترسره کړي.» عراقچي ویلي، که نړۍواله ټولنه د دغو ګواښونو پر وړاندې اقدام ونه کړي، ایران اړ دی، چې د خپلو اټومي تاسیساتو د دفاع لپاره جدي ګامونه پورته کړي.