د چين صدراعظم لي چيانګ د مې په ۲۵مه نېټه د اندونيزيا د ولسمشرۍ په ماڼۍ کې د دغه هېواد له ولسمشر پرابوو سوبیانتو سره خبرې اترې وکړې.
لي چيانګ په دې لیدنه کې ویلي، چې د چين او اندونيزيا د خپلمنځي رسمي اړيکو د ټينګېدو له ۷۵ کلونو راهيسې یو له بله متقابل ملاتړ کړی دی.
هغه وايي، چين هيله لري، چې له اندونيزيا سره د پرمختګ ستراتيژيک وصل تقويه کړي او د کمربند او لارې د ګډې ابادۍ په برخه کې همکارۍ ژورې کړي، په تيره بيا نمونوي پروژې په ښه توګه تر سره کړي، د جاکارتا – باندونګ چټکې رېل پټلۍ شهرت او اهمیت به نور هم زیات کړي او د ټولې سيمې اقتصادي دهليز او د دوو هېوادونو د همکاريزو زونونو ابادي پياوړې کړي.
پرابوو سوبیانتو هم په دې لیدنه کې ويلي، چې روان کال د چين او اندونیزیا ترمنځ د ډيپلوماتیکو اړیکو د ټینګېدو له ۷۵مې کلیزې او د بانډونګ کنفرانس د جوړېدو له ۷۰مې کلیزې سره برابر دی. دی وايي، اندونيزيا غواړي، چې د دې فرصت له لارې د دواړو هېوادونو ترمنځ ستراتيژيکو همکاريزو اړيکو ته وده ورکړي او له چين سره د ګډ سمندري انکشاف توافق عملي کړي، د جنوبي سمندرګي د عملي اصول په اړه سلامشورې وهڅوي او د جنوبي سمندرګي سوله او ثبات وساتي.