د چين د کمونېست ګوند د مرکزي کمېټې د سياسي بیرو غړي او د بهرنيو چارو وزير وانګ يي د جون په ۳مه په بېجينګ کې د چين لپاره د امريکا له نوي سفير ډېوېډ پیردو سره وکتل.
وانګ يي پیردو ته د هغه د نوي مقام مبارکي وویله او هيله يې څرګنده کړه چې هغه به د چين او امريکا ترمنځ يو باوري ارتباطي پُل واوسي، د توپيرونو د حل په چارو کې د منځګړي رول ولوبوي، د چين او امريکا ترمنځ د همکارۍ هڅوونکی واوسي او د چين او امريکا د اړيکو د سالم، ثابت او دوامداره پرمختګ په هڅولو کې فعال رول ولوبوي. وانګ يي پر دې ټينګار وکړ چې د ژنیو له اقتصادي او سوداګريزو خبرو اترو وروسته، چين په جدي توګه د دواړو خواوو له خوا ترمنځ شوي توافقات پلي کړي، خو له بده مرغه، امريکا په دې وروستيو کې په بې بنسټه دليلونو يو لړ منفي تدبيرونه نیولي چې د چين مشروع حقونه او ګټې يې کمزورې کړې دي او چين په ټینګه سره د دې مخالفت کوي.
ډېوېډ پیردو وویل چې ولسمشر ډونالډ ټرمپ د رئیس شي جین پینګ ډېر درناوی کوي او دا د دواړو هېوادونو د مشرانو لپاره ډېر مهم دی چې مثبت او رغنده تبادلې وساتي. هغه زیاته کړه چې په چین کې د سفیر په توګه به د متقابل درناوي او مقابل لوري د غوښتنو اورېدو په روحیې له چین سره نږدې اړیکې وساتي.
