د چين دولت رئیس شي جين پينګ د جون په څلورمې نېټې په پلازمېنې بېجينګ کې د بېلاروس له ولسمشر لوکاشنکو سره ليدلي دي.
شي جين پينګ له بېلاروسي سیال سره په خبرو کې ويلي، چې هېواد به یې له بېلاروس سره خپلمنځي اړيکو او د ګډو ګټو پر اساس همکاريو ته ثابت او دايمي پرمختګ ورکړي .
نوموړي هيله ښودلې، چې دواړه هېوادونه د ملګرو ملتونو او د شانګهای همکارۍ سازمان په ګډون څواړخيزو چوکاټونو کې خپلمنځي همغږي او همکارۍ پیاوړې کړي، له تسلط، بادارۍ او زور زياتي سره مخالفت وکړي او نړيوال عدالت او انصاف وساتي.
لوکاشنکو له بېلاروس سره د چين له اوږدمهالو مرستو مننه کړې او ويلي يې دي چې هېواد به يې له چين سره د اړيکو پر پراختيا ټينګار ولري او خپلمنځي همکارۍ به ورسره پرمخ يوسي.
نوموړي ويلي، چين له څواړخيزم څخه ټينګ ملاتړ او له يواړخيزم او بنديزونو سره ټينګ مخالفت کوي او د نړۍ لپاره يې نمونه جوړه کړې ده.
