د چين د دولت رئيس شي جين پينګ او د ميانمار مشر مين اونګ هلاینګ د جون په ۸مه نېټه د دواړو هېوادونو ترمنځ د رسمي اړيکو د ټينګېدو ۷۵مې کليزې په مناسبت يو بل ته د مبارکۍ پيغام وليږه.
شي جين پينګ په خپل پيغام کې دې ته په اشارې وويل، چې د دواړو هېوادونو ترمنځ اړيکې او دوستي له تېرو ۷۵ کلونو راهيسې له ننګونو څخه په تېرېدو سره لا ټينګه شوې. دواړو خواوو د سوله ييز ګډ ژوند پر پنځو اصولو او باندونګ روحيې ټینګار کړی، خپلمنځي ښه ګاونډيتوب يې ساتلی، د متقابلو ګډو همکارۍ يې ژورې کړي، د متقابل لوري د مرکزي ګټو او مهمې پاملرنې په تړاو مسئلو کې يو د بل ټينګ ملاتړ کړی او د هېوادونو د دوستانه تګ راتګ نمونه يې جوړه کړې ده.
شي جين پينګ وويل، چې دواړه خواوې په تېر مې کې په روسيه کې سره وکتل او د دواړو هېوادونو د ګډ برخليک ټولنې د ابادۍ په اړه يې مهمه هوګړه تر لاسه کړه. چين هيله لري چې له ميانمار سره د کمربند او لارې د باکيفيته ابادۍ همکارۍ پياوړې کړي، په ګډه د نړيوال پرمختګ، امنيت او تمدن نوښتونه عملي کړي، د دواړو هېوادونو د ګډ برخليک ټولنې ابادۍ ته وده ورکړي او خلکو ته لا زياتې ګټې ورسوي.
