د اروپايي ملتونو د فوټبال لیګ پایلوبه د پرتګال او هسپانیې تر منځ د مونیخ په الیانز ارینا سټډیوم کې ترسره شوه. دا لوبه په ټاکلو نوي دقیقو کې ۲ – ۲ مساوي شوه او په اضافي وختونو کې هم پایله همداسې پاتې شوه. دا په زړه پورې لوبه پنالټي شوټونو ته ورسېده چېرته چې پرتګال وتوانېد ۵ پر ۳ خپل سیال مات کړي. دا د اروپايي ملتونو د فوټبال په لیګ کې د پرتګال د ملي لوبډلې دویم وار اتلولي وه. د یکشنبې شپې په لوبه کې د هسپانیې لپاره مارتین زوبیمیندي او میکل اویارزابل ګولونه ووهل. د پرتګال لپاره نونو میندیز لومړی ګول ترسره کړی وو او دویم ګول د نړۍ وتلي لوبغاړي کریستیانو رونالډو په ۶۱مه دقیقه کې ترسره کړ.
- Trending
- Comments
- ورستی
