د چين او افريقا د همکارۍ فورم د پایلو د عملي کېدو په پار د وزيرانو په کچه د همغږي کوونکو غونډه د جون په ۱۱مه نېټه د چين د هو نان ولايت په چانګ شا ښار کې تر سره شوه. د چين د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د يادې غونډې د پرانيستې په مراسمو کې ګډون وکړ او ويې ويل، چې چين د نړۍ لومړی لوی پرمختيايي هېواد او افريقا په نړۍ کې د ډېرو پرمختيايي هېوادونو لرونکې وچه ده او دواړه خواوې د نړۍ د سراسري جنوب هېوادونو د مرکزي او مهم ځواک رول لري. ده وویل چې چين او افريقا بايد د نړيوال وضعيت د ګډوډېدو پر وړاندې يووالی وساتي او خپلواک پرمختګ پیاوړی کړي، د تاريخ په جريان کې دې مناسب لوری غوره کړي او د زمانې په پرمختګ کې لارښوونکی رول ولوبوي.
دغه پنځه فقره ییز وړاندیز په لاندې ډول دی:
– چين او افريقا بايد متقابل ملاتړ او مرستې وکړي او د سراسري جنوب هېوادونو د يووالي ساتونکي رول دې ولوبوي.
– دواړه خواوې بايد پر ورخلاصون ټینګار وکړي او د ازادې نړيوالې سوداګرۍ غوښتونکی رول دې ولوبوي.
– دواړه خواوې بايد پر ګډو ګټو او ګډ پرمختګ ټينګار وکړي او د پرمختګ په نړيوالو همکاريو کې دې فعال ګډون وکړي.
– دواړه خواوې بايد پر عدالت ټينګار وکړي او د عدالت د نړيوال نظام ساتونکی رول دې ولوبوي.
– دړاه خواوې بايد پر تبادلې او متقابلې زده کړې ټينګار وکړي او د نړيوال تمدون د تنوع د هڅولو رول دې ولوبوي.
د سراسري جنوب هېوادونو د يووالي او همکارۍ د ساتنې په پار د چين او افريقا چانګ شا اعلاميه په همدې ورځ خپره شو.
