ټرمپ؛ خبرداری ورکړی چې ټول باید ژر تر ژره تهران پرېږدي

دامریکا ولسمشر ډونالډ ټرمپ په خپله ټولنیزه شبکه کې د ایران سره د موافقې نه ترلاسه کېدو له امله خواشیني څرګنده کړې او په یوه لیکلي بیان کې یې خبر داری ورکړی، چې ټول باید ژر تر ژره تهران پرېږدي. نوموړي زیاته کړې، چې ایران باید هغه موافقه لاسلیک کړې وای چې ما ورته ویلي و. ټرمپ وایي، واضح پکې ویل شوي و چې ایران نشي کولای اټومي وسله ولري. ما دا خبره څو ځله کړې. ټول باید ژر تر ژره تهران پرېږدي. ډونالډ ټرمپ چې دا مهال د G7 مشرانو په غونډه کې ګډون لري، ټرمپ د دې خبرداري د مانا په اړه زیاته کړه، چې د ځواب لپاره دې د سپینې ماڼۍ د رسنیو له څانګې سره اړیکه ونیسي. څو ساعته وړاندې هم راپور ورکړل شو چې د امریکا دفاع وزیر پیت هیګست د نویو ملاتړ کوونکو ځواکونو د منځني ختیځ ته د استولو خبر ورکړی، که څه هم د امریکا دفاع وزیر ویلي چې دا ځواکونه د امریکایي سرتېرو د خوندیتوب لپاره استول شوي دي.