د سنيګار صدراعظم سونکو پدې وروستيو کې چين ته سفر وکړ او له چين ميډيا ګروپ سره يې د مرکې پر مهال وويل، اوسمهال په نړيوال وضعيت کې ژور تحول رامنځته کيږي او افريقايي هېوادونه پدې روښانه او سم پوهاوی لري.
سونکو د چین او افریقا ترمنځ اړیکو په اړه د یوې پوښتنې په ځواب کې وویل: د افريقا او چين ترمنځ اړيکې له اوږدې مودې راهیسې د متقابلو ګټو او ورخلاصون پر اساس په مستقل ډول ټینګې شوې دي.
ده دغه راز وویل: ځيني کسان پر دغو اړيکو شک لري او په منفي نظر ورته ګوري، لامل يې دا دی چې ځيني ځواکمن هېوادونه د چين د پرمختګ له امله اندېښمن شوي او په دې اړه تشویش ورسره پيدا شوی دی.
سونکو زياته کړه، چې ځيني متعصبین له ډېرو کلونو راهیسې په عمدي توګه ځيني هېوادونه او د هغوی د پرمختګ طریقه د ځان پر زیان ګڼي.
نوموړي وويل: زمونږ اوسنی نسل حقیقت درک کړی او پدې باور يو چې تر ټولو ثابتې او دواملرونکې همکاریزې اړيکې باید د متقابل درناوي پر اساس وي او هغه روحيه باید ترې څرګنده شي، چې يو بل ته پاملرنه کوي، يو له بل سره مرسته کوي او ګډه وده مومي او چين او افريقا همدا روحيه عملي کوي.
