د چين صدراعظم لي چيانګ د جولای په ۶مه او ۷مه نېټه د برازېل په ريو دی جانېرو کې د برېکس هېوادونو د مشرانو د ۱۷مې غونډې په دوهم پړاو او درېيم پړاو ناسته کې ګډون وکړ او د څواړخيزم د پياوړتيا، مصنوعي ځيرکتيا، چاپيريال، اقليمي بدلون او نړيوالې روغتيا په اړه يې ويناوې وکړې.
د برېکس د غړو، ملګرو او مېلمنو هېوادونو مشرانو او د نړيوالو سازمانونو استازو په دغو ناستو کې ګډون درلود.
لي چيانګ په خپله وينا کې وويل، چې چين د پرانيستي نړيوال اقتصاد د پرمختګ، د نړيوالو پولي همکاريو د کچې د لوړوالي او د اقتصادي ودې د نويو برخو د پراختيا په هڅه کې دی. د لي چيانګ په خبره، چين به د نړيوال پرمختګ نوښت د چوکاټ پر اساس د” ډيجيټل سراسري جنوب “ برنډ جوړ کړي او د نوموړي برنډ په رڼا کې به په راتلونکو ۵ کلونو کې د سراسري جنوب هېوادونو لپاره د ډيجيټلي اقتصاد او مصنوعي ځيرکتيا د روزنو ۲۰۰ پروګرامونه تر سره کړي.
په دغو ناستو کې (( د مصنوعي ځيرکتيا د نړيوالې ادارې په اړه د برېکس هېوادونو د مشرانو اعلاميه )) او (( په اقليمي چارو کې د پانګو په اړه د برېکس هېوادونو د مشرانو چوکاټي اعلاميه )) تصويب شوه.