د چين د کمونېست ګوند د مرکزي کمېټې عمومي منشي شي جين پينګ د جولای په ۷ مه د شان شي ولایت په يانګچوان ښار کې له هغه څلي څخه لیدنه وکړه چې د جاپان د تېري پروړاندې مقاومت په جګړه کې د مبارزینو له سلو ډېرو غونډونو د برخې اخیستنې په یاد جوړ شوی دی.
شي جین پينګ په دې جګړه کې وژل شوو پوځيانو د یاد بود څلي څخه لیدنه وکړه او د ګلانو ګيډۍ يې ورباندې کېښودې.
د چين کمونېست ګوند په مشرۍ ((اتمه لاره)) پوځ په ۱۹۴۰م کال کې په شمالي چين کې د جاپاني يرغلګرو پر وړاندې ستره جګړه پيل کړه او د جاپاني تيریګرو پوځيانو اکمالاتي لارې يې پرې کړې. په دغه جګړه کې د ياد پوځ ۱۰۵ غونډونو ګډون درلود، نوځکه دغه جګړه د سلو غونډونو جګړه ياد شوې ده.
