د چین د نړیوال اکمالاتي ځنځير درېیم نندارتون اوس مهال په بېجینګ کې ترسره کېږي. د دغه نندارتون په ترڅ کې د زرغونې کرنې موضوع فعالیت ترسره شو. په فعالیت کې ګډونوالو مېلمنو وویل چې چین د کرنيز پرمختګ د لارې د اصلاح لپاره ډېرې هڅې کړي او د زرغونې کرنې صنعتي سلسلې رامنځته کول یې ګړندي کړي دي، چې نړیوالو زرغونو کرنیزو چارو ته یې نوی خوځنده ځواک برابر کړی دی.
په چین کې د ملګرو ملتونو د خواړو او کرنې سازمان استازي کارلوس وویل چې چین د نوښت، ارزښت جوړولو او زرغونې ټېکنالوژۍ د مرکز په توګه موقعیت لري او په دې برخو کې د څېړنې او پرمختګ لپاره يې پانګونې زیاتې کړي، چې له امله يې په دې عصري نوښتونو او ټېکنالوژیو کې مخکښ مقام نيولی دی.
د زرغونې کرنې سلسلې نندارتون په یاد نندارتون کې د یوې مهمې برخې په توګه ټاکل کېږي چې په کې د کرنې د عصري کولو او ځیرکتیا په اړه د ډېرو شرکتونو وروستي لاسته راوړنې نندارې ته وړاندې کېږي.
