اروپايي ټولنې د جولای په ۱۸مه نېټه پر روسیې د بندیزونو ۱۸م پړاو اعلان وکړ او د چین ځینې تصدۍ او پولي ارګانونه یې هم د بندیزونو په لېست کې شامل کړي دي.
د چین د سوداګرۍ وزارت ویاند د جولای په ۲۱مه نېټه په یوه خبري ناسته کې په دې اړه وویل، اروپايي ټولنې د چین له مخالفت سره سره په خپله خوښه پر روسیې د بندیزونو په لېست کې د چین ځینې تصدۍ او دوه پولي ارګانونه شامل کړي. دغه کړنه یې د چین او اروپا د مشرانو له توافقاتو سره په ټکر کې ده او د دواړو لوریو ترمنځ پر اقتصادي او سوداګریزو اړیکو او پولي همکاریو یې سترې منفي اغېزې کړې دي. ویاند ویلي چې چین له اروپا غوښتنه کوي چې سمدلاسه دغه اقدام لغوه کړي، او چین به د خپلو تصدیو او پولي ارګانونو د قانوني حقونو د ساتلو لپاره ضروري ګامونه پورته کړي.
