په ملګرو ملتونو کې د چین دایمي استازي فو څونګ د جولای په ۲۴مه نېټه د کمبوډیا او ټایلنډ تر منځ وضعیت د آرامېدو غوښتنه وکړه.
نوموړي د کمبوډیا او ټایلنډ ترمنځ د روان وضعیت په اړه اندیښنه څرګنده کړه او له دواړو خواوو یې وغوښتل چې سړه سينه دې وساتي. هغه همدارنګه وويل چې چين د اوسنۍ شخړې د حلولو لپاره د امنيت شورا د غړو او اړوندو هېوادونو سره په تماس کې دی.
د ټايلنډ او کمبوډيا پوځونو د جولای په ۲۴مه نېټه په سرحدي سيمه کې نښته وکړه او له دې پېښې وروسته دواړو هېوادونو يو پر بل د لومړۍ ډزو تور ولګاوه. د ټايلنډ روغتيا وزارت ويلي چې ۱۴ ټایلنډیان په نښتې کې وژل شوي، چې پکې ۱۳ ملکي وګړي او یو عسکر شامل وو.
راپور وايي چې د کمبوډیا او ټایلنډ تر منځ د روان وضعیت په اړه د امنيت شورا بیړنۍ غونډه د ترتیب په حال کې ده.
