د چين، کمبوډيا او ټايلنډ درې اړخيزه غير رسمي غونډه د جولای په ۳۰ مه د چين په شانګهای ښار کې ترسره شوه. د چين د بهرنيو چارو وزارت وياند ګوه جيا کون په همدې ورځ په يوه مطبوعاتي غونډه کې وویل، چې دغه غونډه د چين نوې ډيپلوماتيکه هڅه ده او هدف يې د کمبوډيا او ټايلنډ ترمنځ د اوربند موافقې رامنځته کول او د دواړو هېوادونو په سرحدي سيمو ګې د امن تامینول دي.
ګوه جيا کون وویل، چې چين د نړيوال خونديتوب نوښت عملي کوي، د اسيا د امنيت ساتلو لپاره د هغه ماډل د رامنځته کولو لپاره هڅه کوي، چې له مخې يې هېوادونه له ګډ امنيت څخه برخمن وي او له خطرونو سره هم ګډه مقابله وکړي، کوچني اختلافات یوې خواته کړي او د مشترکو ټکیو په لټه کې شي، دغه راز د سيمې امنيتي چارې د خبرو او سلامشورو له لارې ترسره کړي.
نوموړي زياته کړه، چې چين به د کمبوډيا، ټايلنډ او ماليزيا په شمول د سيمې له نورو هېوادونو سره خبرو ته دوام ورکړي، څو د کمبوډيا او ټايلنډ ترمنځ د اوربند او د سولې او ثبات د ژر اعادې لپاره رغنده رول ولوبوي.
