امریکایي رسنیو ویلي د امریکا سترې محکمې له ایف بي ای سره په همکارۍ د ایران لسګونه هغه انټرنیټي فعالیتونه ختم کړي چې جعلي خبرونه یې خپرول او په سایبري بریدونو لګیا وو. له دې سره جوخت څو امریکایي رسنیو خبر ورکړی چې امریکا پر ایران د لا ډېرو بندیزونو پلان لري. د سرچینې په خبره نن پنجشنبه به ټرمپ پر ګڼو ایراني بانکونو چې تر دې دمه له بندیزونو په امان وو، تازه بندیزونه وضع کړي. په دې کې تر ډېره هغه بانکونه شامل دي چې له اروپايي هېوادونو سره راکړه ورکړه لري. اروپایي هېوادونو بیا مخکې له مخکې خبرداری ورکړی چې په کار سره به ایران ته د بشري خدماتو او خوړو په وړو راوړو کې ستونزې رامنځ ته شي چې له قوانینو سره په ټکر کې عمل دی.
