دې هېل: د سرتېرو په اړه د ټرمپ ګډوډو دریځونو اندېښنې پارولې دي

د افغانستان په اړه د ټرمپ ګډوډو دريځونو سترې اندېښنې پارولې دي. دې هېل نشریه د امریکایي شنونکو او پخوانیو چارواکو له خولې لیکي چې په افغانستان کې د سرتېرو د حضور او یا له دغه هېوادد سرتېرو دایستلو په اړه د ټرمپ څرګندونې حیرانوونکې دي. ددوی په خبرو یوازې ۲۵ ورځې د امریکا ولسمشریزو ټاکنو ته پاتې دي او ټرمپ د یوه پوځي جنرال په توګه په یوه ټوېټ د پنټاګون ټول پلانونه او فعالیتونه ګډوډوي. ډېری شنونکو بیا ویلي چې د ټرمپ ټوېټونه تر ټولو ستر دروغ دي او هغه یې د عملي کولو وړتیا نه لري. ددوی په باور له دې سره سره ټرمپ ته په کار ده چې د امریکا د مهمو مسایلو په اړه دغه ډول غیر مسوولانه څرګندونې و نه کړي، بلکې د پنټاګون پلانونو او خپلو پخوانیو څرګندونو ته دې هم یو ځل ګوري بیا دې نوی دريځ خپلوي. ټرمپ څو ورځې وړاندې په یوه ټوېټ پیغام کې وویل چې نږدې دوه میاشتې وروسته به خپل ټول سرتېري له افغانستان وباسي.