روغتیا وزارت:هېواد کې د کرونا وبا ۷۱ نورې مثبتې پېښې ثبت شوې

د هلمند والي جنرال یاسین خان پر خپله رسمي صفحه لیکلي چې ولسمشر غني ورسره د هلمند د روان وضعیت په اړه ټلیفوني خبرې کړې دي. دده په خبره ولسمشر غني د بشپړ ملاتړ ډاډ ورکړی او ورته ویلي یې دي چې طالبانو ته به پر هلمند وروستی برید ډېر ګران تمام شي. ولسمشر ویلي چې هلمند ولایت ته یې تازه دمي ځواکونه او نظامي تجهیزات لېږلي دي څو ددغه ولایت وضعیت کنټرول کړي. هغه همدا راز امنیتي ادارو ته امر کړی چې د هلمند وضعیت په جدي توګه وڅاري او د هر ډول اړین غبرګون او اقدام لپاره تیار وي. د هلمند والي بیا وایي چې دمګړی افغان ځواکونه پیاوړي دي او د طالبانو دغه ډول بریدونه به بریالي نه شي.