د ترکیې او امریکا ترمنځ نوې ناندرۍ رامنځ ته شوې دي

ترکیې اعلان کړی چې له روسیې یې ایس ۴۰۰ دفاعي سیستم اخیستی دی، هغه یې فعال کړی او ځینې بریالي ازمویښتونه یې هم ترسره کړي دي. دې راپورونو د امریکا غبرګون پارولی او په خبره یې ترکیه د امریکا د متحد هېواد په توګه له روسیې دغه دفاعي سیستم نه شي پېرلی ځکه په سیمه کې به د امریکا ګټو ته خطرونه جوړ کړي. د امریکا ددفاع وزارت ویلي چې د ترکیې ددغه کار په مقابل کې به په نوو اقداماتو لاس پورې کړي. ځینو امریکایي چارواکو بیا سم له واره پر ترکیې د بندیزونو لګولو غوښتنه کړې ده. ترکیې بیا ویلي دوی له خپل هېواد ددفاع حق لري او له هر چا چې وغواړي دفاعي سیستم پېرلی شي.