د چين کمونېست ګوند د مرکزي کمېټې عمومي منشي شي جين پيڼګ د اکتوبر په ۱۹مه نېټه مېرمن جانګ لي ون ته يو پيغام واستاوه او پکې يې د چين د کوه مينتانګ ګوند د مشرې په توګه د دې د ټاکنې له امله ورته مبارکي ويلې ده.
شي جين پينګ په خپل پيغام کې څرګنده کړه، د هېواد دواړو ګوندونو له تېرو کلونو راهيسې د ۱۹۹۲ م کال پر اجماع د ټينګښت او د تايوان له خپلواکۍ غوښتنې سره د مخالفت پر ګډ سياسي بنسټ د تايوان تنګي دواړو غاړو ترمنځ هراړخيز تګ راتګ او همکارۍ پرمخبيولې ، د ياد تنګي د سولې او ثبات او وطنوالو ته د ګټې رسولو په پار يې ګډې هڅې کړې دي. ده زياته کړې چې نن ورځ نړۍ د سخت بدلون په حال کې ده او څوک د چيني ملت د بيا احيا مخنيوی نشي کولای. هغه هيله وښوده چې دواړه ګوندونه په ګډ سياسي بنسټ له تايواني وطنوالو سره وحدت وکړي، د چينايانو اخلاق او ټينګ هوډ پياوړی کړي، د خپلمنځي نظر تبادلې او همکارۍ زياتې کړي، ګډ پرمختګ ومومي، ملي يووالی په ګډه پرمخ بوزي، د چيني ملت ګډ کور خوندي وساتي، د تايوان تنګي د دواړو غاړو وطنوالو بنسټيزې ګټې تامين کړي او د چيني ملت لا ښکلې اينده په ګډه جوړه کړي.
د چين د کوه مينتانګ ګوند نوې منتخبې مشرې جانګ لي ون په همدې ورځ شي جين پينګ ته ځوابي پيغام هم استولی او ور څخه يې مننه وکړه. هغې ويلي، د تايوان تنګي دواړو غاړو په ۱۹۹۲ کال کې په خپلې خولې د يو چين پېژندنې پر اصولو د ټينګار کولو ژمنه کړې ده. دواړو ګوندونو په ګډ سياسي بنست سره د تنګي د دواړو غاړو سوله ييز پرمختګ پرمخبيولی او زياتې لاسته راوړنې يې موندلې دي. چيني ملت نسل په نسل د تايوان تنګي په دواړو غاړو کې ژوند کوي. نو دواړه ګوندونه بايد د تنګي د دواړو غاړو ترمنځ تګ راتګ او همکارۍ پياوړې کړي، د تايوان تنګي سوله او ثبت دې ټينګ کړي، خلکو ته دې تر ټولو زياتې ګټې ورسوي او د خپل ملت بيا احيا ته دې لار پيدا کړي.
