تېره میاشت څه باندې دوه زره بهرنیو وګړو افغانستان ته تګ راتګ کړی

د احصایې او معلوماتو ملي اداره وایي، چې د روان لمریز کال په تلې میاشت کې ۲ زره او ۳۳۷ بهرنیو وګړو د بندرونو او هوایي ډګرونو له لارې افغانستان ته تګ-راتګ کړی. د دې ادارې په وینا؛ له دې ډلې د ۷۰ مېرمنو په ګډون ۱۲۹۰ تنه افغانستان ته راغلي او د ۲۷ مېرمنو په ګډون یو زرو او ۱۰۴۷ کسان بېرته تللي. د دې ادارې په وینا؛ له دې ډلې ۳۲۸ تنو یې د تاریخي سیمو د لېدلو او ګرځندويۍ لپاره او پاتې نورو یې د کار په موخه افغانستان ته سفر کړی دی. د دې ادارې د ثبت شویو ارقامو پر بنسټ، ترټولو زیات بهرني وګړي د نیمزور له بندر، د هرات هوايي ډګر او بندرونو، د تورخم، آقینې او حیرتان بندرونو او د بلخ هوايي ډګر له لارې هېواد ته راغلي دي.