روان کال په دایکندي کې لسګونه لويې او وړې پروژې پلې شوي

د دایکندي ولایت د اوبو او انرژۍ ریاست مسوولینو ویلي چې د روان کال په ترڅ کې د دغه ولایت په شهرستان او کیتي ولسوالیو کې ۴۵ وړې او لویې پروژې د خوړو او کرنې نړۍوالې ادارې په مالي ملاتړ د ۷۲۱ زره امریکايي ډالرو په لګښت بشپړې او ګټې اخیستنې ته سپارل شوې دي. د یاد ریاست مسوولینو ویلي، چې له یادو پروژو څخه ۱۴ پروژې په شهرستان ولسوالۍ کې پلې شوې، چې پکې د اوبو زېرمې جوړول، د کانالونو ټینګښت او د پلچکونو رغول شامل دي او پاتې نورې پروژې په کېتي ولسوالۍ کې پلې شوې، چې د اوبو د زېرمې جوړول، د سربندونو، کانالونو او پلچکونو رغول پکې شامل دي.