پکتیا؛ يتيمو ماشومانو او د کونډو مېرمنو لپاره مرستون پرانيستل شوی

دافغاني سرې میاشتې ټولنې خبر ورکړی، چې د پکتيا ولایت مرکز ګردېز ښار کې د لومړي ځل لپاره د یادې ټولنې لخوا د يتيمو ماشومانو او کونډو مېرمنو لپاره د زون په کچه مرستون پرانيستل شوی دی. د افغاني سرې مياشتې ټولنې مشر شهاب الدين دلاور د ياد مرستون د پرانيستې مراسمو کې ویلي، ياد مرستون کې به هغه کونډې او يتيمان شامليږي چې هيڅ ډول سرپرست نه‌لري. نوموړي ویلي، چې ياد مرستون کې بې‌سرپرسته کونډو او يتيمانو ته د روغتيا، خوړو، د شپې اوسېدو، تعليم او نورې اړينې اسانتياوې برابريږي او ټول خدمات به د مېرمنو لخوا وړاندې کيږي.