د چين د کمونېست ګوند د مرکزي کمېټې سياسي بيورو غړي او بهرنيو چارو وزير وانګ يي د فبرورۍ په ۲۳مې نېټې له پلازمېنې بېجينګ څخه په انلاين ډول د ملګرو ملتونو د بشري حقونو شورا د ۶۱م کنفرانس په لوړ پوړې غونډې کې ګډون او وينا کړې ده.
نوموړي په خپله وينا کې د چين د دولت رئيس شي جين پينګ د نړيوال مديريت وړانديز ته اشاره کړې او ويلي يې دي، چې دغه وړانديز د بشري حقونو د نړيوال مديريت لوری روښانه کړی او د څه باندې ۱۵۰ هېوادونو او سازمانونو ملاتړ يې ترلاسه کړی دی.
وانګ يي هيله ښودلې، چې چين به له نورو هېوادونو سره هم د دغه وړانديز له عملي کولو څخه کار واخلي، د بشري حقونو نړيوال مديريت به بشپړ کړي او د بشري حقونو د نړيوالو چارو د سالم پرمختګ لپاره به هڅې وکړي.
۲۰۲۶م کال د چين د پنځلسم پنځه کلن پلان پیل دی. وانګ يي ويلي، چين غواړي له بېلا بېلو هېوادونو سره د انسانانو ګډ ارزښتونه خپاره کړي او د انسانانو د ګډ برخليک ټولنې د ابادۍ لپاره ګډې هڅې وکړي، څو ګرده نړۍ د بشري حقونو له پرمختګ څخه برخمنه شي.