د چین د فلمي ټکټونو سږني عواید د مارچ تر ۲مې نېټې پورې له لسو میلیاردو یوانو اوښتي او د نړۍ لومړی مقام یې خپل کړی دی. د دغه شمېر ته په کتو مو دا احساسات پیدا کړي چې د چین فلمونه په لا باوري توګه د نړۍ په کلتوري تبادلې کې ګډون لري.
د چین فلمونه ډېر زیات باور لري
د چین څو فلمونه د سږني پسرلني اختر په موده کې په ګډ ګام په کور او بهر کې نندارچیانو ته وښودل شول او په دې توګه د مختلفو هېوادونو نندارچیانو له چینایانو سره په ګډه د پسرلني اختر توده فضا احساس کړې ده. دا د پخوا په نسبت بېل حالت دی. دغه اقدام اسانه نه دی، له دې ښکاري چې د چین فلمونه په مساوي توګه د نړۍ په فلمي بازار کې پر وخت سیالي کولای شي، په بهرنیو سینماګانو کې د ښودلو لارې چارې یې نورې هم پخې شوې او فلمونه یې په ګړندۍ توګه بهرنیو نندارچیانو ته وړاندې کېږي. برسېره پر دې، د چین فلمونو دا باور ښودلی چې په لومړي وخت د بهرنيو نندارچیانو پاملرنې ځان ته جلبولای شي.
د پرمختللې ټکنالوژۍ پر مټ د چین د فلمونو د نوي کیفیت تولیدي توان ښکاره شوی
د فلمي ټکټونو عوایدو له زیاتېدو څخه تر ډېرې اندازې د صنعتي چارو د توان مخکښ پرمختګ ښکاري. د سږني پسرلني اختر په موده کې د چین څو فلمونه له ټکنالوژۍ او هنر څخه ډک وو او ترې د چین د فلمي صنعت د نوي کیفیت تولیدي توان څرګند شوی دی.
د مثال په توګه، د پیګسوس ۳ （Pegasus 3）په نوم فلم کې د موټرونو د ځغاستې سیالۍ په اړه د نړیوالې لوړې سویې انځورونه نندارچیانو ته وړاندې شوي، دا د ډیجیټلي تخنیکونو د لوړې سویې کارونې نتیجه ده. د «وو شو» په اړه فلم (بیاو ژن) کې (（Blades of the Guardians）) د وتلې ټکنالوژۍ پر مټ د لوبغاړو دقیق حرکت نیول شوی او نندارچیانو ته یې ژوره خاطره وربښلې ده.
ویلی شو چې د پرمختللو تخنیکونو پر مټ د چین دودیز «وو شو» په ډیجټلي توګه بیا ژوندۍ شوې او حیاتي ځواک یې بیا موندلی دی.
د چین فلمونه ارزښتونه ښکاري
لسګونه کاله مخکې بهرنیانو یوازې د چین د «وو شو» فلمونه او ځینې مشهور لوبغاړي پېژندل؛ خو اوس د چین ډول ډول فلمونه د بهرنیو هېوادونو په سینماګانو کې نندارچیانو ته وړاندې شول. د سږني پسرلني اختر په موده کې د چیني فلومونو لوړو عوایدو څرګنده کړې چې چیني فلمونه د مختلفو محتویاتو او ستر هنري ارزښت په لرلو سره د نړیوالو پاملرنې جلب کړې دي.
د امریکا د فلمي چارو مسلکي رسنیو ویلي، د چین د دودیز پسرلني اختر په موده کې چیني فلمونو په ګړندۍ توګه د اوونۍ په پای کې د ګردې نړۍ فلمي بازار کې ښه عواید تر لاسه کړی، چې د هالیووډ فلمونو په نسبت ډېر لوړ و.
له دې څخه ښکاري چې د چین فلمونه په نړیوال بازار کې د کمښت پوره کوونکي نه دي، خو دغه بازار ته حیاتي ځواک او نړیوالو نندارچیانو ته د چین د پېژندنې لپاره یوه کړکۍ برابروي.
لس میلیارډه یوانه عواید د چیني فلمونو لپاره یو ستر بریالیتوب او نوی پیل هم دی. دا چې د دغو فلمونو له لارې د چین کیسې بهرنيو نندارچیانو ته وړاندې او د دوی لخوا منل شوې، موږ نور زیات باور لرو چې د چین فلمونه به لا پراخ نړیوال بازار ولري.