تېره اونۍ د اوسپنې پټلۍ له لارې څه باندې ۱۸۳ زره مټریک ټنه انتقالات شوي

د تولکټو چارو وزارت خبر ورکړی، چې په تېره اونۍ کې د اوسپنې پټلۍ له لارې څه باندې ۱۸۳ زره مټریک ټنه انتقالات ترسره شوي دي. د یاد وزارت د مالوماتو له مخې د حیرتان بندر له لارې ۱۲۱زره او ۸۷ ټنه، د اقینې بندر له لارې ۱۵ زره او۵۹۰ ټنه، د تورغونډۍ بندر له لارې۲۱ زره او۳۵۰ ټنه او د خواف–هرات له لارې ۲۵ زره او ۱۶۰ ټنه انتقالات ترسره شوي، چې ټولټال ۱۸۳ زره او ۱۸۷ ټنه نفتي، غیرې نفتي او نور مواد دي، هېواد ته وارد او صادر شوي دي. د سرچینې د مالوماتو له مخې، د انتقالاتو له ډلې یوه برخه صادرات دي، چې په تېره اوونۍ کې ۳۹۰ ټنه صادرات شوي او لويه برخه یې وچه مېوه ده.