د چين د کمونېست ګوند د مرکزي کمېټې د تايوان چارو دفتر مدير سونګ تاو د مارچ په ۳۰مې نېټې ويلي، چې د دغه هېواد د ګومينتانګ ګوند رئيسې جنګ لي ون د خپل ماموريت له پيل راهيسې څو څو ځلې د هېواد سترې برخې ته د سفر نيت څرګند کړی دی.
په داسې حال کې د چين د کمونېست ګوند د مرکزي کمېټې عمومي منشي شي جين پينګ د جنګ لي ون او د هغې په مشرۍ د دغه ګوند د پلاوي د راتګ هرکلی او بلنه ورکوي، چې د اپريل له ۷مې نېټې څخه تر ۱۲مې نېټې پورې له جيانګسو، شانګهای او بېجينګ څخه ليدنې وکړي.
د چين ګومينتانګ ګوند د رئيسې دفتر د مارچ په ۳۰مې نېټې خبر ورکړی، چې رئيسې جنګ د رئیس شي جين پينګ له بلنې مننه کړې او په خواښۍ يې دغه بلنه منلې ده.
نوموړي دفتر هيله ښودلې، چې دواړه ګوندونه د تايوان تنګي د دواړو غاړو د اړيکو د سولې او پرمختګ لپاره ګډې هڅې وکړي، د دواړو غاړو ترمنځ راکړې ورکړې او همکارۍ پياوړې کړي، په تايوان تنګې کې سوله وساتي او د خلکو ژوند ته لازياتې ښېګڼې ورسوي.