د چین د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د اپرېل په دويمې نېټې د اروپايي ټولنې د ډيپلوماتيکو او امنیتي تګلارو له لوړ پوړي استازې کاجا کلاس سره تليفوني خبرې کړې دي.
مېرمن کلاس له وزير وانګ يي سره د منځني ختيځ د وضعيت په اړه نظرونه شريک کړي او د اوسنۍ ترينګلتيا د کمښت لپاره يې د چين هغه منځګړيتوب ستايلی، چې پکې خليج او منځني ختيځ کې د سولې او ثبات د بیا رامنځته کېدو لپاره د چين او پاکستان ګډ پنځه فقره ييز وړانديز شامل دی.
د هغې په خبره، اروپا په دغې جګړې کې برخه نه ده اخيستې، خو بیا هم له منفي اغېزو سره مخ ده.
نوموړې هيله ښودلې، چې بېلا بېلې خواوې په منځني ختیځ کې د اوسنۍ جنګي کچې د را ټيټولو او د خبرو اترو د بيا اعاده کېدو لپاره هڅې وکړي.
وانګ يي اوسنی نړيوال وضعيت ترينګلی بللی او ويلي يې دي، چې چين به له اروپا سره د نظريو تبادلې لا پياوړې کړي او د ملګرو ملتونو په محور د نړيوال سيسټم او نړيوالو قوانينو پر بنسټ به نړيوال نظم وساتي او دا یې د ښکېلو خواوو مسؤليت هم بللی دی.
نوموړي د منځني ختيځ د وضعيت په اړه د چين دريځ هم بيان کړی او ويلي يې دي، چې د چین او پاکستان پنځه فقره ييز وړانديز د نړيوالې ټولنې د ګډو نظريو ښکارندويي کوي او کليدي برخه يې په سيمې کې د مقاومت پر پای ته رسولو او سوله ييزو خبرو ورټوله ده.
