د چين د کمونېست ګوند د مرکزي کمېټې عمومي منشي، دولت رئيس او د مرکزي پوځي کمېسيون مشر شي جين پينګ په دې وروستيو کې د خدمتي صنعت د پرمختګ په اړه مهمې لارښوونې کړې دي.
نوموړي ويلي، د چين د خدمتي صنعت پيمانه په ثابت ډول پراخېږي او کيفيت يې هم په دوامدار ډول په لوړېدو دی او په خبره یې، خدمتي صنعت د چين د صنعت د اپګرېډ، د خلکو د اړتياوو د پوره کولو او د کاري فرصتونو د زياتولو په برخو کې مهم رول لوبوي.
شي جين پينګ زیاته کړې، د چين حکومت بايد د خدمتي صنعت د پراخېدو او پياوړتيا لپاره تدبيرونه ونيسي، ځانګړي چيني خدمتي برنډونه باید جوړ کړي او د دې صنعت د باکيفيته پرمختګ لپاره باید پر له پسې هڅې وکړي.
د چين د خدمتي صنعت ملي غونډه د اپريل له ۷مې نېټې څخه تر ۸مې نېټې پورې په پلازمېنې بېجينګ کې ترسره شوه، چې د دغه هېواد د کمونېست ګوند د مرکزي کمېټې د سياسي بيورو دايمي غړي او صدراعظم لي چيانګ هم پکې ګډون او وينا کړې ده.
