په دې وروستیو کې د چین د داخلي مغولستان د ازادې سوداګریزې ازمایښتي سیمې لپاره ټولیز پلان خپور شو. تر اوسه پورې د چین د ازادو سوداګریزو ازمایښتي سیمو ټولټال شمېر ۲۳ ته لوړ شوی دی. د نړیوالوافکارو په اند، د چین د ۱۵م پنځه کلن پلان په لومړي کال کې، د چین د ازادو سوداګریزو سیمو پراختیا نه یوازې په ځواکمن ډول د لوړ کیفیت پرمختګ هڅوي، بلکې په ګډوډه نړۍ کې ډېر ډاډ هم ورکوي، له دې څخه د لوړې کچې د ورخلاصون د پراخولو په اړه د چین هوډ او ژمنتیا څرګندېږي.
ولې نوې ازادې سوداګریزه ازمایښتي سیمه د چین په داخلي مغولستان کې موقعیت لري؟ لومړی، دا سیمې ځانګړې جغرافیایي غوره والی لري. داخلي مغولستان پخوا د “چمن ځمکې ورېښمو لارې” او “چای لارې” په اوږدو کې یو مهم مرکز و او نن ورځ دا د کمربند او لارې او د چین- مغولستان- روسیې اقتصادي دهلیز کې یو مهم مرکز دی. دا له ۴۲۰۰ کیلومترو څخه ډېر سرحد او ۲۰ پرانیستي بندرونه لري.
سربېره پر دې، د چین داخلي مغولستان بهرنۍ نړۍ ته د پرانیستلو لپاره قوي بنسټ لري. معلومات ښیي چې په ۲۰۲۵ کال کې، د داخلي مغولستان د بهرنۍ سوداګرۍ ټول حجم ۲۲۰ میلیاردو ۶۷۰ میلیونو یوانو ته ورسېد چې د ودې کچه یې له ملي اوسط څخه ۲ اعشاریه ۶ سلنه لوړه ده. اوس مهال، داخلي مغولستان د نړۍ له ۲۰۱ هېوادونو او سیمو سره سوداګري کوي، د کمربند او لارې نوښت کې برخه اخیستونکو هېوادونو ته واردات او صادرات د هغې د ټول بهرنۍ سوداګرۍ ۷۸ اعشاریه ۶ سلنه جوړوي.
د یوې سرحدي سیمې په توګه، داخلي مغولستان به د چین د ازادو سوداګریزو سیمو په ټولیز ترتیب کې څه رول ولوبوي؟ د چین د نړیوال اقتصاد او سوداګرۍ پوهنتون کارپوه سانګ بای چوان وویل چې د خپاره شوي ټولیز پلان ترټولو مهمه ځانګړتیا شمال ته د چین د پرانیستلو د یوه مهم پل په توګه د داخلي مغولستان د ازادې سوداګریزې سیمې ابادي ده. د داخلي مغولستان د سرچینو غوره والی او له روسیې او مغولستان سره د هغې نږدیوالی او د ځانګړو صنعتونو پرمختګ به د دې سیمې د پرمختګ او ورخلاصون لپاره په ستراتیژیک لوړوالي بدل کړي.
دا ستراتیژیک لوړوالی به څنګه جوړ شي؟ په یاد پلان کې موخې ټاکل شوي، چې د داخلي مغولستان د ازادې سوداګرۍ سیمه به د معلوماتو د تبادلې مرکز، د ترانسپورت او لوژستیک مرکز، د کلیدي سرچینو د تخصیص مرکز، د مهمو برخو د تخنیکي نوښت مرکز او د صنعتي همکارۍ مرکز وګرځي کوم چې کورني او نړیوال بازارونه سره وصل کړي او شاوخوا سیمو ته وغځېږي.
د داخلي مغولستان د نوې جوړې شوې ازمایښتي ازادې سوداګریزې سیمې جوړونه د چین د سمون او ورخلاصون د پرمختګ لپاره وروستی اقدام استازیتوب کوي. دا سیمه به د نړیوالې ټولنې لپاره د سوداګرۍ او پانګونې لازیات فرصتونه برابر کړي او په ښه توګه به د چین پراختیایي ګټې شریکې کړي.
په عین وخت کې په نړۍ کې د جیوپولیټیکل شخړو او د نړیوالو لوژستیکي خطرونو د زیاتېدو پر مهال، د داخلي مغولستان د ازمایښتي ازادې سوداګریزې سیمې رامنځته کول به د چین، مغولستان، روسیې او حتې له اروپا سره د نښلولو “طلایي دهلیز” لا نور هم پرانیزي او نړۍ ته به د سوداګرۍ یوه ډېر انعطاف منونکې لاره وړاندې کړي.