د معیار او کیفیت ادارې ویلي چې د کورنیو بازارونو د خوندیتوب لپاره یې څه باندې ۲۶ ټنه بېکیفیته ایزوګام د اسلامکلا بندر څخه بېرته صادروونکي هېواد ته ګرځولي دي. د یادې ادارې په وینا، دغه توکي له کورنیو معیارونو سره برابر نه وو او تر دقیقې ارزونې او کیفیت کنټرول وروسته رد شول. مسوولین ټینګار کوي چې په بندرونو کې د کیفیت د څار بهیر په جدي ډول روان دی او له سوداګرو یې غوښتي چې ټاکلي معیارونه مراعت کړي، څو سالم بازار رامنځته شي.
