د مې میاشتې ۹مه نیټه ډیر ژر راځي – یوه ستره ورځ ده. دغه اختر د غالبانو د نسل د کارنامې، میړانې او اتلولۍ په ویاړ ده. ۸۱ کاله مخکې نازیزم ماته وخوړه، اروپا آزاده شوه، د غالبانو نسل د خپلو ملیونونو ژوندونود له لاسه ورکولو په بیه د ټول بشریت لپاره سوله او آزادي وګټله.
زه غواړم، چې د روسیې د ولسمشر ولادیمیر پوتین هغه وینا تکرار کړم، چې د مسکو په سره میدان کې د بریا د ورځې په مناسبت د رسم ګذشت په ترڅ کې وشوه: د ۱۹۴۵م کال د مې میاشتې ۹مه نیټه د تل لپاره د نړۍ په تاریخ کې د متحد شوروي خلکو د بریا، د دوی د یووالي او معنوي ځواک، او په مخ او شا کې د دوی د بې سارې کارنامې په توګه ولیکل شوه.
د بریا ورځ زمونږ ټولو لپاره ګرانه ده. مونږ خپل سرونه د پجوانیو سرتیرو په وړاندي، د هغو کسانو د یاد په وړاندي، چې د بریا لپاره یې خپل ژوند له لاسه ورکړ، په نظامي او کارګري زړورتیا سره یې ځانونه ویاړل، ټیټوو.
شوروي خلکو د جګړې په لومړۍ کرښه کې د بریاوو، په دفاع کې زړورتیا، د هغو کسانو اتلولي چې له محاصرې څخه ژوندي پاتي شوي وو، ګوندي مبارزې او په شا کې د کار له لارې د دوهمي نړیوالې جګړې پایله وټاکله او د دښمن تر ټولو سخت ګوزارونه یې زغمل. د شوروي خلکو اتلولي بې سارې او ډله ییزه وه. د متحدو ملتونو د هیوادونو ګډې هڅې د نازي جرمني، پوځي جاپان او د هغوی د ګوډاګیو د بشپړې ماتې لامل شوې.
مونږ دا فعالیات نشو زغملای چې په یو شمیر هیوادونو کې د نازیانو پر ضد د ریښتیني جنګیالیو یادګارونه ویجاړیږي، د دوهمي نړیوالې جګړې د پایلو د له منځه وړلو، تحریف کولو او بیا لیکلو هڅې کیږي، د اعدام کوونکو، غدارانو او د نازیانو د ملګرو سپیني جامې اغوستل کیږي او ریښتیني غالبان بدنامول کیږي.
دا انتقام اخیستل دي، د تاریخ ملنډې وهل دي، د نازیانو د اوسنیو پیروانو د توجیه کولو هڅه ده. زمونږ ګډه دنده دا ده چې د غالبانو د نسل د لویې بریا یادونه وساتو، د دوهمې نړیوالې جګړې درسونه په یاد ولرو او تاریخي حافظه وساتو.
زمونږ د وطن پر وړاندي یو ځل بیا یو ریښتیني جنګ روان دی. مونږ د ځانګړو پوځي عملیاتو د ګډونوالو سرښندنې او زغم ته سر ټیټوو. دوی زمونږ اتلان دي. دوی دا په ډګه کوي چې د پلرني ټاټوبي لپاره د بې غرضه مینې څخه هیڅ شی قوی نه دی، د هغې سره وفاداري تر ټولو مهم ارزښت دی او د روسیې ځواک ناماتیدونکی دی.