د اوکراین ډرون برید؛ د روسیې د پرم د تیلو تصفیې خونې فعالیت درولی

د رویټرز خبري آژانس د راپور له مخې، د روسیې د «پِرم» د تیلو د تصفیې خونې فعالیتونه د مې میاشتې د اوومې نېټې د اوکراین د بې‌پیلوټه الوتکې له برید وروسته په بشپړه توګه درېدلي دي. د صنعت دوو سرچینو رویټرز ته ویلي، چې دغه برید له امله کې لګېدلی او مهم تجهیزات زیانمن شوي دي. د پرم سیمې والي «دمیتري ماخونین» ویلي، اوکرایني ډرونونو د پرم په سیمه کې پر صنعتي تاسیساتو برید کړی، چې له «مسکو» څخه شاوخوا ۱۴۶۰ کیلومتره ختیځ ته موقعیت لري، خو د هدف ګرځېدلې فابریکې نوم یې نه دی یاد کړی. اوکراین له دې وړاندې هم د روسیې د تیلو پر زیربناوو بریدونه کړي، څو د مسکو مالي سرچینې کمزورې او پوځي وړتیاوې یې اغېزمنې کړي.