د چين ميډيا ګروپ مستند فلم ((صميميت)) په دې وروستيو کې خپور شوی دی.
ښاغلي شي جونګ شون پر داسې رويې او چلند ټينګار کړی، چې له خلکو سره باید نږدې اړيکې وساتي، مينه باید ورسره وکړي او چارو ته یې باید لومړيتوب ورکړي.
شي جونګ شون د ۱۹۴۴م کال په مني کې د شاان شي ولايت په سويده سيمې کې د عدلي چارو يوې غونډې ته وويل، چې مونږ بايد په ډېرې مينې او خلوص له خلکو سره ودرېږو. د شي جونګ شون دغه ساده او روښانه خبره د چين د کمونېست ګوند د اصلي موخې څرګندويي کوي.
د شي جونګ شون مېرمن چي شين وويل، چې شي جونګ شون د انقلاب په موده کې د چارواکي پر ځای خپل ځان ”عام کس“ باله او د کارونو پر مهال به یې له کليوالو کورنيو څخه ليدنه کوله. نو ځکه خلک وايي، چې هغه د خلکو له منځه راپورته شوی مشر دی.
د شي جونګ شون په ارشیف کې له خلکو سره د ده د ښو اړيکو په اړه داسې ريکارډ شوي، چې د شاان شي ولايت د منځنۍ برخې لوی او واړه شي جونګ شون پېژني او درناوی ورته لري. خلک هغه باوري ملګری بولي. کله چې خلک له ستونزو سره مخ شي، نو بیا وايي، ” راځئ، جونګ شون ته ورشو. “
شي جونګ شون د انقلاب په اوږدې مودې کې پر صادقانه رویې ټينګار کړی او د مهم مسؤلیت په توګه يې د خلکو لپاره صادقانه او واقعي خدمتونه پرغاړه اخیستي وو.
هغه د ګوند او خلکو لپاره کړې ژمنې په ډېرې مينې عملي کړې دي.
هغه دا ګټوره خبره ويلې،”موږ باید هېڅکله دا هېر نه کړو چې خلک د هېواد دي او هېواد د خلکو دی.“
