د ايپېک د سوداګرۍ د وزيرانو سږنۍ غونډه د مې په ۲۳مې نېټې د چين د جيانګ سو ولايت په سو جو ښار کې پای ته ورسېده او « په سو جو ښار کې د ۲۰۲۶م کال د ايپېک د سوداګرۍ وزيرانو د غونډې ګډه اعلاميه» يې خپره کړې او هم يې د خدماتي چارو نوې نقشه منظور کړې ده.
شنونکي د دې غونډې لاسته راوړنې د روان کال په پای کې د ايپېک د مشرانو د غير رسمي غونډې لپاره مهمه اقتصادي او سوداګريزې لاسته راوړنه بولي.
د غونډې ګډونوالو سي اېم جي ته ويلي، چې چين د اېپیک د کوربه هېواد په توګه د بېلا بېلو خواوو د همکاريو د لا پیاوړتيا لپاره د سوداګرۍ او پانګونې مهم فرصت برابر کړی دی.
روان کال په ايپېک کې د چين د ګډون له پنځه دېرشمې کاليزې سره برابر دی. چين په درېيم ځل د دغه سازمان د کوربه هېواد په توګه ټاکل شوی دی.
که څوک نړيوال وضعيت ته کتنه وکړي، نو پر دې به پوی شي، چې ولې بېلا بېلې خواوې د دې سازمان د چين د کال فعالیتونو ته پاملرنه کوي.
اوسنۍ نړۍ له سختو بدلونونو او ګډوډۍ سره مخ ده، د يو اړخيزم او ځاني سوداګرۍ ساتونکې کړنې پکې په ډېرېدو دي او د اقتصاد پرمختيایي انجين يې کمزوری شوی دی.
د پيسو نړيوال صندوق په وروستيو کې د ۲۰۲۶م کال د نړيوال اقتصاد پرمختيايي وړاندوينه په سلو کې درې اعشاريه يو ته را ټيټه کړې او ويلي يې دي، چې د نړۍ حالاتو ته په کتو، ښايي دغه شمېر په سلو کې دوو ته ښکته شي. په داسې کليدي موده کې د اسيا او ارام سمندر سيمه د نړۍ له حياتي ځواک ډکه ده، د دې سیمې ۲۱ اقتصادونه په سو جو کې راغونډ شوي وو او پر څو اړخيزو او سيمه ييزو اقتصادي او سوداګريزو همکاريو یې بحثونه کړي، یوه ګډه اعلاميه او د خدماتي چارو نوې نقشه یې خپره کړې، دغه لاسته راوړنې يې ډېر اهميت لري.
د چين د نان کای پوهنتون د ايپېک د څېړنيز مرکز مسؤل او د چين د ايپېک د څېړنيز مرکز مشر ليو چن يانګ له سي اېم جي سره په خبرو کې يادې لاسته راوړنې اسانې نه دي بللي او په خبره یې، د ايپېک د سږنۍ غونډې لاسته راوړنې د سيمه ييزو پرمختيايي ستونزو د هواري لپاره اړينې دي او د دې سيمې د اقتصادي پرمختګ لپاره يې پياوړی ځواک برابر کړی او د څو اړخيزم او د ګډو ګټو پر بنسټ د همکاريو پياوړې نښه یې ورکړې ده او هم دا د دې ښکارندويي کوي، چې په پرانيستي سيمه يیزتوب او رښتيني څو اړخيزم پسې د خلکو هيلې غوټه دي.
چين د اسيا او ارام سمندر سيمې يو مهم غړی دی او د یاد سازمان په بېلا بېلو همکاريو کې فعال ګډون لري.
د چين د دولت رئيس شي جین پينګ تېر کال د ايپېک د مشرانو په ۳۲مې غير رسمي غونډې کې ويلي وو، چې د دې سازمان غړي دې د ورخلاصون او پرمختګ په جريان کې د فرصتونو پر شريکولو ټينګار ولري، بريالیتوب ته په رسېدو او د اقتصاد د نړيوال کېدو د ټولشمولیت او د دې سيمې د ګډ برخليک ټولنې د ابادۍ لپاره دې هڅې وکړي.
چين د دې سازمان د چيني کال په فعالیتونو کې ورخلاصون، نوښت او همکاريو ته لومړيتوب ورکړی دی.
د چین د کمونېست ګوند د مرکزي کمېټې د سياسي بيورو غړي او مرستيال صدراعظم هه لي فنګ د ايپېک د سوداګرۍ وزيرانو د غونډې په څنډې کې رسنيو سره په خبرو کې ويلي، چې د دې سازمان غړي دې د اسيا او ارام سمندر د ازادې سوداګرۍ سيمې ابادي د اوږد مهاله موخې په توګه وټاکي، د سيمه ييز اقتصاد د يو ځای کېدو لپاره دې هڅې وکړي، د څو اړخيز سوداګريز ميکانيزم پر ساتلو دې ټينګار ولري، د سوداګرۍ نړيوال سازمان له ورخلاصون څخه دې ملاتړ وکړي، په نويو سمسورو برخو کې دې خپلمنځي تبادلې لا پياوړې کړي او د نوښت او همکاريو له لارې دې د ننګونو پر وړاندې مبارزه وکړي.
د چين دغه وړانديز د غونډې په لاسته راوړنو کې شامل شوی، چې دا به نه يوازې د ايپېک اقتصادي او سوداګريزو همکاريو ته نوی حياتي ځواک ورکړي، بلکې د چيني شکله عصريتوب د نويو لاسته راوړنو په رڼا کې د دې سيمې او نړۍ د اقتصادي پرمختګ په برخه کې د چين اراده او مسؤلیت هم ښکاره کوي.