د چين خارجه وزير وانګ يي د مې په ۲۶مه نېټه په نيويارک کې د ملګرو ملتونو په مقر کې د امنيت شورا د لوړې کچې غونډې مشري کړې ده.
د چين د خارجه وزارت وياندې ماو نينګ د روانې مياشتې په ۲۷مه نېټه يوې نوبتي خبري ناستې ته په يادې غونډې کې د وانګ يي د ګډون په اړه معلومات ورکړي دي.
وياندې ماو نينګ ويلي، چين د امنيت شورا د روانې مياشتې د نوبتي رئيس هېواد په توګه ”د ملګرو ملتونو د منشور، موخو او اصولو ساتنه، د ملګرو ملتونو په محور د نړيوال سيسټم پياوړتيا“ په سرليک د لوړې کچې غونډې د جوړولو وړانديز کړی دی.
په دغه غونډه کې څه باندې ۲۰ خارجه وزيرانو او له سلو زياتو هېوادونو لوړ پوړو استازيو ګډون کړی و.
دوی په ګډه د ملګرو ملتونو د جوړېدو اصلي موخې ته بيا کتنه کړې، تاوده بحثونه يې کړي او مهمې اجماع ته رسیدلي دي.
د ماو نينګ په قول، د چين خارجه وزير وانګ يي په دغه غونډه کې ۵ نظرونه وړاندې کړي دي.
۱- د ملګرو ملتونو منشور ته باید بیاکتنه وشي.
۲- د امنيت شورا صلاحيت بايد بيا قوي شي.
۳- د پرمختيايي چارو په اړه نړيوالې همکارۍ بايد پياوړې شي.
۴- د نړيوال ماموريت ډګر بايد بيا ژوندی شي.
۵- د ملګرو ملتونو سيسټم بايد بيا اغېزمن شي.