د چين خارجه وزیر وانګ يي د مې په ۲۷مې نېټې په نيويارک کې د امنيت شورا د لوړ پوړې غونډې په څنډه کې د امريکا له ستراتېژيکو، صنعتي او سوداګریزو شخصيتونو سره لیدلي دي.
نوموړي له دغو شخصيتونو سره په خبرو کې ويلي، چين به له امريکا سره په ګډه د دواړو هېوادونو د مشرانو مهمه اجماع پلې او د رغنده ستراتېژيکو او ثابتو اړيکو د جوړېدو هوکړه به یې ژر عملي کړي او له دوی يې هيله کړې، چې له چين او امريکا سره پدې برخه کې فعالې چارې ترسره او په ټولنه کې د اجماع د رامنځته کولو لپاره هڅې وکړي.
دغو امريکايي شخصيتونو د امريکا او چين اړيکې د نړۍ تر ټولو مهمې دوه اړخيزې اړيکې بللي او ويلي يې دي، چې د امريکا او چین د مشرانو لیدنه نه يوازې د دواړو هېوادونو د پرمختګ لپاره ګټوره ده، بلکې متزلزلې نړۍ ته يې هم ثابته انرژي ورکړې او نړيوال بازار ته يې مثبت پيغام ورکړی دی. دوی هيله ښودلې، چې امريکا او چين د نړۍ د لویو هېوادونو په توګه خپلمنځي همغږي او همکارۍ پياوړې او نړيوال عامه محصولات په ګډه وړاندې کړي او د نړيوالو ننګونو پر وړاندې ګډه مقابله وکړي.