د ماشومانو د ساتنې سازمان (سېف د چلډرن) ویلي، په نړۍ کې شاوخوا ۱۵۳ میلیونه ماشومان د کافي خوړو له جدي کمښت سره مخ دي. د یاد بنسټ په راپور کې راغلي، جګړو، اقلیمي بدلون او اقتصادي ستونزو د خوړو بحران لا پسې ژور کړی او میلیونونه کورنۍ یې له سختو بشري ستونزو سره مخ کړې دي. راپور زیاتوي، نږدې ۷۸۳ میلیونه خلک نه پوهېږي چې راتلونکی خواړه به له کومه ترلاسه کوي، او د پنځو کلونو کم عمره ماشومانو د مړینې یو مهم لامل هم خوارځواکي ده.
