د روان کال له پیل څخه د جون تر ۱۳ مې نېټې پورې، د چين – لاوس د رېلپټلۍ له لارې تر۱۰ میليونو ټنو ډېر مالونه ليږدول شوي او هره ورځ په اوسط ډول شاوخوا ۶۷ زره ټنه مالونه پرې لېږدول شوي دي او له پولې هاخوا د ليږدول شوو مالونو وزن له ۲ میليونو او ۵۰۰ زرو ټنو څخه اوښتی دی.
د چين رېل پټلۍ ادارې معلومات ښيي، چې د روان کال په لومړۍ ربعه کې د چين – لاوس د رېلپټلۍ له لارې د صادراتي او وارداتي مالونو ارزښت ۶ ميليارډه او ۸۱۰ ميليونه يوانو ته رسیدلی، چې د تېر کال د همدې مودې په پرتله ٪ ۶۲.۷ زياتوالی ښيي.
په اوسني موسم کې د جنوب ختيځې اسيا هېوادونو کې ډېرې مېوې پخې شوي او بازار ته وړاندې شوې دي او سوداګر يې چټک لېږد ته اړتيا لري.
د چين رېل پټلۍ ادارې د تازه مېوو لپاره د ځانګړو لوجيسټيکي اورګاډو تګ راتګ ترتیب کړی او د سړو خونو لرونکو اورګاډو ورځنی شمېر يې له ۲ څخه ۶ ته زیات کړی دی.