د چين- ارام سمندر ټاپوګانو د څو اړخیزو همکاريزو ډګرونو غونډه د جون د ۱۶مې نېټې په سهار د جيانګ سو ولايت په نان جينګ ښار کې ترسره شوه، چې پکې په چين کې د وانواتو، ساموا، فيجي، سليمان ټاپوګانو، پاپوانيو ګيني، کيريباتي، د مايکرونيزيا فدرالي ايالتونو او ټونګا په شمول د ارام سمندر ټاپوګانو سفيرانو او استازو، د چین او ارام سمندر د اوو څو اړخيزو همکاريزو ډګرونو مسؤلينو، د اړوندو پوهنتونونو، فکري ارګانونو، تصديو او نورو ارګانونو استازو څه باندې سل تنو ګډون کړی و.
د ارام سمندر ټاپوګانو لپاره د چين د حکومت ځانګړي استازي چیان بو ويلي، چې يادو اوو ډګرونو څلور نړيوال وړانديزونه پلي کړي، له يادو هېوادونو سره یې له ځايي غوره سرچينو څخه په استفادې د اړتيا وړ همکارۍ کړي او له اقليمي بدلون سره د دغو هېوادونو د مقابلې، د طبيعي ناورينونو پر وړاندې د مبارزې، د کرنيز پرمختګ د چټکتیا، د بېوزلۍ د له منځه وړلو او د پوليسو چارو کې د قانون اجرائيوي وړتيا د لا پیاوړتيا لپاره يې ډېر مهم رول لوبولی دی.
د يادو اوو ډګرونو مسؤلينو په دې غونډې کې د چين او ارام سمندر د ټاپوګانو هېوادونو ترمنځ د همکاريو لاسته راوړنو ته اشارې کړي او ګډونوالو ته يې د دغو ډګرونو لاسته راوړنې ښودلې دي.
د غونډې ګډونوالو د خپلمنځي همکاريو د لا پیاوړتيا، د پرمختيايي ستراتيژۍ د وصل او د څلورو نړيوالو وړاندیزونو د پلي کولو په اړه بحثونه کړي دي.