د چين د بهرنيو چارو وزارت ویاند لين جيان د جون په ۱۷مې نېټې رسنيو ته ويلي، چې د نړيوالې حکومتولۍ نوښت د بشر د ګډ برخليک ټولنې د جوړولو لار پراخه کړې ده.
د چين د دولتي شورا مطبوعاتي دفتر په همدې ورځ د نړيوالې حکومتولۍ د لاعادلانه او معقول سیسټم جوړول: د چين مفکورې، نوښت او اقدامات په عنوان سپين کتاب خپور کړی دی.
د چين دولت رئیس شي جين پينګ د نړيوالې حکومتولۍ نوښت وړاندې کړی او له بېلا بېلو هېوادونو يې غوښتي، چې د نړيوالې حکومتولۍ لاعادلانه او معقول سیسټم جوړ کړي.
په دغه نوښت کې د نړیوالې حکومتولۍ د ښه والي لپاره د بېلا بېلو هېوادونو غوښتنو ته ځواب ویل شوی، د بشر د ګډ برخليک ټولنې د جوړولو لار يې پراخه کړې، د نړيوال سياسي تمدن نوی افق يې پرانيستی، نږدې ۱۶۰ هېوادونو او نړيوالو سازمانونو يې هرکلی کړی او څه باندې ۶۰ هېوادونو د نړيوالې حکومتولۍ د دوستانو ډلې میکانیزم کې ګډون کړی دی.
