چين د ۲۰۲۵م کال په سپتمبر کې د نړيوال مديريت وړانديز وکړ، چې تراوسه د نړۍ نږدې ۱۶۰هېوادونو او نړيوالو سازمانونو يې هرکلی کړی او څه باندې شپيتو هېوادونو د دغه وړانديز د دوستانو په ګروپ کې ګډون کړی دی. دغه راز د ګڼ شمېر هېوادونو مشرانو، چې په وروستۍ موده کې يې چين ته سفرونه کړي، د نړيوال مديريت وړانديز لوړه ستاينه کړي او له تطبيق څخه يې ملاتړ کړی دی.
ولې دغه وړانديز پراخه اغېزه لري؟
د چين حکومت د جون په ۱۷مې نېټې پر دې سرليک «د نړيوال مديريت د لا عادلانه او معقول سيسټم جوړول: د چين نظريې، وړانديزونه او فعاليتونه» سپين کتاب خپور کړی، چې ياد وړانديز پکې ډېر ښه تشريح شوی دی.
دغه سپين کتاب شاوخوا ۲۰ زره کلمې لري، چې پکې د نړيوال مديريت وړانديز عصري شاليد، اهميت او ارزښتونه بيان شوي او د نړيوال مديريت سيسټم په اصلاحاتو او ابادۍ کې د چين بډایه تجربې، د نړيوال مديريت په اړه د چين هدفونه، لوري، اصول او موقف او د عملياتي پلان په هکله معلومات وړاندې شوي او نړيوالې ټولنې ته پکې د دغه مهم وړانديز ارزښت بیان شوی دی.
له دويمې نړيوالې جګړې وروسته، د نړۍ اوسني حالات له يو اړخيزم او بې سارو پيچلو او ژورو بدلونونو سره مخ دي.
بادارۍ د نړۍ ډېرو هېوادونو ته زیانونه رسولي، د نړيوال کېدو ضد پروسه ګړندۍ شوې، پروټېکشنېزم یا سوداګرۍ ساتونکې غوښتنې ډېرې شوي، اقليمي بدلون او د ډيجيټل توپيرونه په خورېدو دي او مصنوعي ځيرکتيا (AI) منظمه او ښه نه کارول کېږي، نو ځکه نړيوال مديريت ډېر مهم بلل کېږي.
د چين دولت رئيس شي جين پينګ د ۲۰۲۵م کال په سپتمبر کې د نړيوال مديريت وړانديز وکړ، چې منځپانګه يې په عمده توګه پر پنځو برخو (د ملي حاکميت مساوات، د نړيوالو قوانينو مراعات، څو اړخيزم، د انسانانو نظريې او پر کړنو تمرکز) ور ټوله ده.
چين په دغه وړانديز کې هغو سوالونو ته، چې د نړيوال مديريت لپاره باید څه ډول سيسټم جوړ شي او څنګه باید اصلاح او بشپړ شي؟ ځوابونه ويلي دي.
په دغه وړانديز کې د نړيوال مديريت د بشپړتيا لپاره د بېلا بېلو هېوادونو غوښتنو ته هم ځوابونه ويل شوي، د انسانانو د ګډ برخليک ټولنې د جوړولو لپاره يې عملي لارې پراخې کړي او د نړيوال سياست او تمدن نوې بڼې يې پرانيستې دي، نو ځکه یې د نړيوالې ټولنې پراخ ملاتړ هم خپل کړی دی.
د چين پر ياد وړانديز شاوخوا ۹ میاشتې تېرې شوي او په نړۍ کې يې اغېزې په پراخېدو دي.
خلک د نړۍ اوسنيو بدلونونو ته په کتو، څو اړخيزم، قانون، ادارې او د مديريت اغېزو لوړتيا ته اړتيا لري، نو ځکه نړيوال مديريت او تجربې يې ورته ډېر ارزښت لري.
د نړيوال مديريت وړانديز د عملي کېدو بنسټونه د ملګرو ملتونو واک او مقام ساتي.
د ملګرو ملتونو سازمان۸۰ کاله مخکې تاسيس شوی، خو له يوې مودې راهيسې د دغه سازمان واک او اختيار له چېلنجونو سره مخ دی.
د ملګرو ملتونو منشور، قانون او اصول تر پښو لاندې شوي، چې د نړيوالې ټولنې اندېښنې او تشويشونه يې راپارولي دي.
روان کال په ملګرو ملتونو کې د چين د قانوني څوکۍ د اعاده کېدو له ۵۵ کليزې سره برابر دی.
چين د ملګرو ملتونو د منشور لومړی لاسليکوونکی او د امنيت شورا دايمي غړی هېواد دی، د ملګرو ملتونو مرکزي مقام ته درناوی لري او د دغه سازمان د واک د بيا فعاليېدو ملاتړ کوي.
د چين په ياد سپين کتاب کې ملګري ملتونه د څو اړخيزم د پلي کېدو او د نړيوال مديريت د هڅونې تر ټولو مهم ډګر بلل شوی او پکې ويل شوي، چې د ملګرو ملتونو د لارښوونې مقام بايد ټينګ او رول یې پياوړی شي.
شنونکي د نړيوال مديريت وړانديز اړين بولي او پر دې اند دي، چې په دغه وړانديز کې د ملګرو ملتونو منشور او اصولو ته درناوی شوی او له څو اړخيزم څخه پکې ملاتړ شوی دی.
د نړيوال مديريت وړانديز کې د ملګرو ملتونو د واک او اختيار په اړه د اکثرو هېوادونو هيلو او اميدونو ته ځای ورکړل شوی دی.
