د شي نينګ – بالکان لومړی باروړونکی اورګاډی د جون په ۲۸مې نېټې د چين د چينګ های ولايت د شي نينګ ښار له شوانګ جای سټېشن څخه د منځنۍ اسيا د بالکان په لوري حرکت وکړ.
دغه اورګاډی، چې ۵۵ واګونونه لري، د چينګ های – شي ځانګ پټلۍ او لان جو – شينجيان پټلۍ له لارې به منځنۍ اسیا ته ولاړ شي.
دغه اورګاډی به د چين له چينګ های ولايت، ګان سو ولايت او شينجيانګ څخه تېر شي او د خورګوس بندر له لارې به د قزاقستان الماتي ښار ته ورسېږي او اخري تمځای به یې د ترکمنستان بالکان وي.
د دغه مسیر ټول اوږدوالی ۵۴۲۰ کيلومتره ښودل شوی، چې یاد اوګارډی به یې ۱۴ تر ۱۵ ورځو ووهي.
د دغه اورګاډي حرکت د چينګ های – شي ځانګ لوړې او منځنۍ اسيا ترمنځ د باروړونکو اورګاډيو د نوبتي مسير د بيا پراخېدو نښه ورکړې، چې په دې سره به د منځنۍ اسيا او لوېديځې اسيا ترمنځ د چينګ های ولايت نړيواله باروړونکې شبکه نوره هم بشپړه شي.
