افغان او چینايي سوداګرو د ګډو پانګونو د پراختیا پر لارو چارو خبرې وکړې

د افغانستان د سوداګرۍ او پانګه‌ونې خونې مرستیال ارین زلګي عظیمي په چین کې د سوداګرۍ نړیوالې پراختیا شورا له مرستیال فان باوکای سره لیدلي او د دواړو هېوادونو ترمنځ د سوداګریزو اړیکو د پراختیا، ګډو پانګونو او د سوداګرۍ د کچې د لوړولو په اړه یې خبرې کړې دي. عظیمي له چینايي پانګه‌والو غوښتي چې د افغانستان په تولیدي او صنعتي برخو کې له افغان سوداګرو سره ګډې پانګونې وکړي. په ورته وخت کې د چین د سوداګرۍ نړۍوالې پراختیا شورا مرستیال فان باوکای ویلي، هڅه به وکړي چې چینايي سوداګر په افغانستان کې ګډو پانګونو ته وهڅوي او د تخنیکي تجربو د شریکولو او د سوداګریزو اړیکو د پراختیا په برخه کې همکاري وکړي.