مصنوعي ځيرکتيا د خلکو د ژوند بڼې ته په چټکۍ بدلون ورکړی دی.
سي جي ټي اېن په انټرنېټي نړۍ کې يوه سروې ترسره کړې، چې له مخې يې، د نړۍ ډېرو وګړيو هيله او تمه ښودلې، چې مصنوعي ځيرکتيا د امنيت، اعتماد او پایښت پر بنسټ پرمختګ ومومي.
د سروې ۸۵ اعشاريه ۴ سلنه ګډونوالو د مصنوعي ځيرکتيا فعالې اغېزې منلي او دا نظر یې ورکړی، چې د مصنوعي ځيرکتيا چټک پرمختګ د نړيوال امنيت او مديريت پر وړاندې نوې ننګونې راپورته کړې دي.
د سروې ۹۱ سلنه ګډونوالو تشويش ښودلی، چې د مصنوعي ځيرکتيا چټک پرمختګ ممکن د انټرنيټي بريدونو او ډېټا د افشا کولو خطرونه زیات کړي.
د سروې ۹۲ اعشاريه ۶ سلنه ګډونوالو بیا اندېښنه ښودلې، چې د مصنوعي ځيرکتيا له لارې رامنځته شوي غلط معلومات ښايي په ټولنې کې بې اعتمادي زیاته او ګواښونه راپورته کړي.
د سروې ۸۳ اعشاريه ۷ سلنه ګډونوالو په نړۍ کې د مصنوعي ځيرکتيا د اداري ميکانيزم د جوړېدو غوښتنه کړې او له نړيوالې ټولنې يې غوښتي، چې د تېکنالوژۍ د ناسمې استفادې او له کنټروله د وتلو مخه ونيسي.
د سروې ۷۶ اعشاريه ۱ سلنه ګډونوالو بیا دا نظر ښودلی، چې د ملګرو ملتونو په شمول په څو اړخيزو چوکاټونو کې باید د مصنوعي ځيرکتيا د ادارې هڅې وشي.
د سروې ۹۰ اعشاريه ۹ سلنه ګډونوالو د ټېکنالوژۍ د بندولو پر ځای پرانيستې همکارۍ د مصنوعي ځيرکتيا د امنيت، سالم او دوامدار پرمختګ لپاره ګټورې بللې دي.
سي جي ټي اېن دغه سروې په مجازي نړۍ کې په انګريزي، هاسپانوي، فرانسوي، عربي او روسیې ژبو خپره کړې، چې پکې په ۲۴ ساعتونو کې ۶۵۰۳ تنو برخه اخيستې او خپل نظرونه يې ورکړي دي.
