د چين د کمونېست ګوند د مرکزي کمېټې سياسي بيورو غړي او بهرنيو چارو وزير وانګ يي د جولای په ۲۲مې نېټې د فيليپين په پلازمېنې مانيلا کې له امريکايي سيال انټونيو روبيو سره لیدلي دي.
وانګ يي له نوموړي سره په لیدنې کې ويلي، چې د چين او امريکا مشرانو څه موده وړاندې په بېجينګ کې مهم ملاقات وکړ، چې په رڼا کې يې د دواړو هېوادونو ترمنځ ”رغنده ستراتيژيک ثبات“ په ډاګه او د ګډو هڅو لوری يې روښانه شوی دی. نوموړي دا د سوله ييز ګډ ژوند د پيدا کولو پر لارې د دواړو لويو هېوادونو مهمې لاسته رواړنې او د دواړو هېوادونو د خلکو له اصلي ګټو او د نړيوالې ټولنې له ګډو هيلو سره سمې بللې دي.
وانګ يي زياته کړې، چين او امريکا دې د ټاکلي مدار پر وړاندې خنډونه او ستونزې لرې کړي او د ګډو موخو د ډاډمنتيا لپاره دې ګډې هڅې وکړي، د مشرانو موافقې دې د دواړو حکومتونو او بېلا بېلو برخو ګډې نظريې وګرځوي او عملي دې يې کړي او د ستراتيژيک ثبات له لارې دې په نړۍ کې سوله او هوساينه رامنځته کړي، څو د رغنده راکړې ورکړې له لارې یې نړيوالې همکارۍ خوځنده قوت ومومي.
وانګ يي د امريکايي لوري د وروستيو منفي څرګندونو او کړنو په اړه د چين جدي دريځ څرګند کړی او له روبيو يې غوښتي، چې واشنګټن د بېجينګ مرکزي ګټو ته درناوی وکړي، د يو چين پېژندنې اصل دې مراعات او اختلاف دې کنټرول کړي او د بېجينګ معقولو اندېښنو ته دې ځواب ووايي.
دواړو خواوو د مهمو نړيوالو او سيمه ييزو چارو په اړه هم د نظريو تبادلې کړې دي.
