د نړيوال بانک لوړ پوړي مرستيال او مشر اقتصاد پوه ايندرميټ ګيل د جولای په ۲۲مه نېټه خبري رسنيو ته ويلي، چې د امريکا او ايران ترمنځ د شخړې بيا سختوالی ممکن د پيسو پړسوب او سود د بيا لوړېدو سبب وګرځي او ښايي له دې امله په روان کال کې د نړيوال اقتصاد پرمختيايي سرعت ۱.۳ سلنې ته ټيټ شي.
ښاغلي ګيل ويلي، نړيوال بانک په منځني ختيځ کې د جنګونو په دوام تېر جون کې د نړيوال اقتصاد د پرمختګ د درېيو ډولو د پايلو وړاندوينه کړې ده او په خبره یې، په سیمې کې ۶ مياشتې کېږي، چې شخړه روانه ده، نو له دې امله ښايي په روان کال کې د نړۍ د پيسو د پړسوب کچه ۴.۵ سلنې ته ورسېږي.
