د چين خارجه وزير وانګ يي د جولای په ۲۴مه نېټه په قرغېزستان کې د شانګهای همکارۍ سازمان د خارجه وزيرانو شورا په غونډه کې ګډون وکړ.
هغه غونډې ته ويلي، روان کال د شانګهای همکارۍ سازمان د جوړېدو له ۲۵مې کليزې سره برابر دی. دغه نړيوال سازمان تل د متقابل باور، متقابلو ګټو، مساواتو، سلامشورې، د رنګا رنګو تمدنونو د درناوي او د ګډ پرمختګ د هڅونې په اړه په”شانګهای روحيې“ ټينګار درلودلی او هڅه کوي چې د نوي ډول نړيوالو اړيکو او څواړخيزو همکاريو لارې لا پسې پراخې کړي. په داسې حال کې چې ټوله نړۍ له سلو کلونو راهيسې بې ساري بدلونونه تجربه کوي، نړيواله ټولنه دې ته په تمه ده چې د شانګهای همکارۍ سازمان د سيمه ييز امنيت د هڅونې او د نړيوالو اداري مسئلو د حل رغنده رول ولوبوي.
د چين خارجه وزير وانګ يي په دغه غونډه کې ۴ فقره ييز وړانديز وکړ: لومړی، دغه نړيوال سازمان بايد د پخوا په شان تل پر ”شانګهای روحيې“ ټينګار ولري او په رڼا کې يې د انسانانو د ګډ برخليک ټولنې د ابادۍ چارې پرمخ بوزي؛ دوهم، دغه نړيوال سازمان بايد د سيمې سوله او ثبات ټينګ وساتي؛ درېيم، د شانګهای نړيوال سازمان بايد د ګډ پرمختګ خوځنده ځواک وروزي؛ څلورم، دغه سازمان بايد د نړيوالې ادارې يوه نمونوي سيمه جوړه کړي څو له مختلفو خواوو سره د نړيوال مديريت پر اغېزمن موډل بحثونه وکړي.
نوموړي د يادې غونډې په څنډه کې په جلا جلا توګه د روسيې، بلاروس، ازبکستان، تاجکستان، ايران او پاکستان له خارجه وزيرانو سره هم ليدلي دي.
